Zakutxo Termikoak bizitzan izaten ditugun min eta eri kroniko askorentzat aringarri dira. Terapia naturala eta albo efektu gabea delarik.

Gari haziz osatua dago eta laguntzaile bezala, izpiliku (labanda) eta erromeroa ditu. Bakoitzaren dohainik garrantzitsuenak uztartzeko diseinaturik daude; gariaren inertzia termikoa, hau da beroa edo hotza mantentzeko gaitasuna, erromeroaren lurrina lasaigarria eta inflamazioaren aurkakoa da eta izpiliku edo labandak ere bere lurrina gozoa izateaz gain nerbio sisteman lasaigarri eran eragiten du.

Zakutxo termikoen beste abantaila bat beste sistema batzuekin alderatuta (manta termikoa, ur poltsak, poltsa kimikoak,…) duten arrisku eza da.

Hazi ta Hezi Zakutxo Termikoak %100 geuk eginiko artisau produktua da. Kotoizko kalitate goreneko oihaletatik hasita, prozesu osoa eskuz egiten da. Garia garbitu eta berotu egiten dugu, tratamendu naturala emanez. Erromero eta izpiliku loreak eta hostoak eskuz jasotzen ditugu, lehortu eta bere lurrina mantentzeko egoki gordeaz.

ZAKUTXO TERMIKOAREN ERABILERA

Zakutxoen erabilera oso erraza da, seguruak eta familia guztiarentzat gomendagarriak.

Ondorengo gomendioak jarraitzea komeni da:

• Bero efektua: zakutxo termikoa mikrouhinean berotu 2-3 minutuz potentzia gorenean. Erabat hoztu baino lehen berriz berotu nahi bada ez jarri 1-2 minutu baino gehiago. Behin berotuta, beti tenperatura egiaztatu behar da eta ondoren berotu nahi den tokian jarri
• Hotz efektua: zakutxo termikoa izozkailuan sartu plastikozko poltsa batean sartuta eta gutxienez ordu bete eduki. Behin denbora hori pasata, poltsatik atera, tenperatura egiaztatu eta hoztu nahi den tokian jarri

Kontuan hartzekoak: ez berotu gehiegi mikrouhinean, zakutxo bera ondatu liteke. Hozberoaren sentsibilitatea murriztua duten pertsonekin kontuz erabili (diabetikoak, gaixotasun neurologikoak dituztenekin) eta nahiz ume zein edadetu pertsonekin hozberoaren egiaztaketa ondo egitea komeni da.

ZAKUTXO TERMIKOAREN ERABILPEN GARRANTZITSUENAK

Ondorengo kasuetan zakutxo termikoaren erabilera oso eraginkorra da:

• Bizkarreko mina
• Min zerbikala
• Lunbagoa
• Ziatika
• Kontraktura muskularra
• Muskuluetako min orokorra
• Artrosia
• Artritisa
• Tortikolisa
• Hileroko minetan
• Etab.

OHARRA:
Zakutxo termikoaren erabilerak medikuarekin eraman litekeen tratamendurik ez du ordezkatzen inolaz ere.